Fuqarolik va doimiy turar-joy masalalari boʻyicha global konsultatsiya markazi boʻlgan Henley & Partners kompaniyasi pasportlar indeksi (Passport Index) boʻyicha yangi reytingni eʼlon qildi.

Tashkilot rasmiy saytida eʼlon qilingan reytingda Oʻzbekiston 82-oʻrinni egalladi. bir Bir necha oy muqaddam eʼlon qilingan reytingda Oʻzbekistonning oʻrni 76-oʻrinda qayd etilgandi.

Henley & Partners kompaniyasining yillik Pasportlar indeksi jahonning 200dan ortiq davlatlari va hududlaridagi vizalar qoidalarini tahlil qiladi hamda ularni vizasiz chiqiladigan mamlakatlar soni boʻyicha ajratib chiqadi.

Henley & Partners kompaniyasi barcha mamlakatlar va hududlardagi viza tartib-qoidalarini diqqatlik bilan oʻrganib chiqdi hamda harakatlanish erkinligi darajasi boʻyicha mamlakatlar roʻyxatini tuzdi.

Indeksga koʻra, Oʻzbekiston fuqarolari vizasiz 59 mamlakatga borishlari mumkin.

Reytingda birinchi oʻrin Yaponiyada. Yaponiya pasporti bilan dunyoning 190 mamlakatiga vizasiz sayohat qilish mumkin. Ikkinchi oʻrin Germaniya va Singapurga berildi (189 mamlakat).