Oʻzbekiston Respublikasi mudofaasiga koʻmaklashuvchi “Vatanparvar” tashkiloti va Oʻzbekiston Respublikasi yoshlar ishlari agentligi rahbarlarining respublikamiz yoshlariga qoʻshma murojaatnomasi tadbiri boʻlib oʻtdi. Bu haqda Oʻzbekiston Respublikasi mudofaasiga koʻmaklashuvchi “Vatanparvar” tashkiloti Matbuot xizmati xabar berdi.

Tadbirda Yoshlar ishlari agentligi va “Vatanparvar” tashkilotlari oʻrtasida yoshlar masalalari sohasida oʻzaro hamkorlik toʻgʻrisida memorandum imzolandi.

Maʼlum boʻlishicha, joriy yilning 1-aprelidan “Temir daftar” va “Yoshlar daftari”ga kiritilgan muhtoj oilalar farzandlarini “Vatanparvar” tashkilotining oʻquv muassasalarida “VS” toifali haydovchilarni tayyorlash boʻyicha bepul oʻqitilishi yoʻlga qoʻyiladi. 

Tantanali tadbir davomida “Vatanparvar” tashkiloti tizimidagi avtosport, motosport, karting, triatlon, duatlon, yozgi biatlon, harbiy amaliy koʻpkurash, oʻq otish, aviamodel, raketamodel, kemamodel sporti, radiosportning alohida oʻrnak koʻrsatgan bir qator murabbiylari va yosh sportchilar sertifikat va esdalik sovgʻalari bilan taqdirlandi.