Xoʻjaobodda ikki boshli ilon topildi
Tabiat moʻjizalarga boy. Bir daraxtda ikki xil meva pishganini koʻrganmiz. Yuqoriga oqqan suvni koʻrganmiz. Biroq, ertaklardagi qoʻsh boshli ajdar misol ilonlarni toʻgʻrisi, koʻrmaganmiz. Xoʻjaobod tumanidagi Rayish koʻchasida istiqomat qiluvchi aholi esa ikki boshli ilonni, nafaqat kuzatdilar, balki, oʻz qoʻllari bilan ushlab koʻrdilar. Toʻgʻri, u ertaklardagi ajdarmisol devqomat va qoʻrqinchli emas edi.
— U oddiy suv ilon edi, — deydi fuqaro Ulugʻbek Muhammadjonov. — Uzunligi yigirma santimetrlar atrofida. Koʻchada oʻynab yurgan bolalar ushlab olishibdi. Qarasam, hali videoga olishyapti, hali boshini silashyapti. Bu ahvolda uni nobud qilib qoʻyishlaridan qoʻrqib uyimiz yonidan oqib oʻtuvchi Shaxrixonsoyga qoʻyib yubordim.
Bu voqea kecha 1-noyabr kuni sodir boʻlgan. Afsuski, uni koʻrishga ulgurmadik. Biroq guvohlik beruvchi fotolarni taqdim etishdi.
Saminjon HUSANOV,
“Xalq soʻzi”
Tavsiya etamiz
Ko‘p o‘qilganlar
- “E-ekspertiza” platformasi orqali elektron hujjatlar almashinuvini yoʻlga qoʻyish tartibi tasdiqlandi
- Nodavlat sud-eksperti sifatida faoliyat yuritish yanada soddalashtiriladi
- “Istanbul Bashakshehir” mehmondan gʻalaba bilan qaytdi
- Ukrainaning uch viloyatida portlashlar qayd etildi. Qurbonlar bor
- Bu yil Oʻzbekiston Proligasida 14 ta jamoa ishtirok etadi
- Shavkat Mirziyoyev Vashington shahrida Tinchlik kengashining dastlabki yigʻilishida ishtirok etdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring