Oʻzbekiston Respublikasi mudofaa vazirining buyrugʻi bilan Shimoli-gʻarbiy harbiy okrug qoʻshinlari qoʻmondonining moddiy-taʼminot boʻyicha oʻrinbosari lavozimida xizmat qilib kelgan podpolkovnik Redjapov Bahodir Mamirjonovich Janubi-gʻarbiy maxsus harbiy okrug qoʻshinlari qoʻmondonining moddiy taʼminot boʻyicha oʻrinbosari lavozimiga tayinlandi. Bu haqda Shimoli-gʻarbiy harbiy okrug matbuot xizmati xabar berdi.

Bahodir Redjapov 2001-yilda oldingi Samarqand oliy harbiy avtomobil qoʻmondonlik-muhandislik bilim yurtini tamomlagan. Shimoli-gʻarbiy harbiy okrug qoʻshinlari qoʻmondonining moddiy-taʼminot boʻyicha oʻrinbosari lavozimini 2018-yilning fevral oyidan beri egallab kelgan. Xizmati davomida qoʻshinlarda qoʻmondonlik lavozimlarida xizmat qilgan. Janubi-gʻarbiy maxsus harbiy okrug qoʻshinlari qoʻmondonining moddiy taʼminot boʻyicha oʻrinbosari lavozimi shu vaqtga qadar vakant boʻlib kelgan.

Shimoli-gʻarbiy harbiy okrug qoʻshinlari qoʻmondonligi podpolkovnik Bahodir Redjapovga sadoqati, fidoyiligi, xizmat vazifalarni bajarishda masʼuliyatliligi uchun minnatdorchilik bildirib, yuqori lavozimda zafarlar tilaydi.