Fargʻonada 3,7 gektar yerni 7 gektar deb sotmoqchi boʻlgan fermer ushlandi
Qoʻshtepalik fermer 3,7 gektar yerni 7 gektar deb sotmoqchi boʻldi. Bu haqida “Xavfsizlik” Telegram-kanali xabar berdi.
Maʼlum qilinishicha, Davlat xavfsizlik xizmati va Iqtisodiy jinoyatlarga qarshi kurashish departamenti xodimlari hamkorligida Fargʻona viloyati Qoʻshtepa tumanida tezkor tadbir oʻtkazilgan.
Aniqlanishicha, ushbu hududda qishloq xoʻjaligi mahsulotlari yetishtirish bilan shugʻullanuvchi fermer xoʻjalik rahbari xaridorni mazkur xoʻjalikning 3,7 gektar yer maydonini goʻyoki 7 gektar ekanligiga ishontirib va uning nomiga rasmiylashtirib berishini aytib, evaziga 20 ming AQSH dollari hamda 100 mln soʻm talab qilgani maʼlum boʻlgan.
Oʻtkazilgan tezkor tadbir davomida fermer xoʻjalik rahbari kelishilgan pul mablagʻidan 15 ming dollarini uchinchi shaxs orqali olgan vaqtida uning ashyoviy dalillar bilan qoʻlga olingan.
Hozirda mazkur shaxsga nisbatan jinoyat ishi qoʻzgʻatilib, tergov harakatlari olib borilmoqda.
Tavsiya etamiz
Ko‘p o‘qilganlar
- “Oʻtgan bahsda konsentratsiya biroz joyida emas edi. Shu sababli “jinnicha” xatolarga yoʻl qoʻydik” — Fabio Kannavaro
- AQSH mudofaa xarajatlari tufayli NATO boʻyicha ittifoqchilarini himoya qilishdan voz kechishi mumkin
- Ben Kingsli ishtirok etgan Islom sivilizatsiyasi markazi haqidagi film New York Festivals 2026 finaliga yoʻl oldi
- Shavkat Mirziyoyev Saudiya Arabistoni Podshohligi Valiahdi Muhammad bin Salmon Ol Saud bilan telefon orqali muloqot qildi
- Toshkentda qilichbozlikning sablya yoʻnalishi boʻyicha Jahon kubogi bosqichi start oldi
- “Dronlar dueli” yoxud Ukrainadan Erongacha boʻlgan sinov poligonlarida shakllangan yangi dunyo tartibi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring