Oʻzbekistonlik shaxmatchi Javohir Sindorov FIDE reytingida ikkinchi oʻrinni egallab turgan Hikaru Nakamurani magʻlubiyatga uchratdi. Oʻzbekistonlik shaxmatchi FIDE Nomzodlar turnirining 5-turida qora donalarda harakat qilib, oʻzining musobaqadagi 4-gʻalabasini qoʻlga kiritdi.

Mazkur gʻalaba Sindorovga 4,5 ochko keltirdi va u turnir jadvalidagi yaqqol peshqadamligini yanada mustahkamladi. Besh turdan soʻng 5 imkoniyatdan 4,5 ochko jamgʻargan Sindarov Nomzodlar turniri tarixida bunday natija qayd etgan ilk shaxmatchi boʻldi.

Shuningdek, Javohir bu natija orqali onlayn reyting jadvalida dunyoning top-5 shaxmatchisi qatoriga kirib oldi.

Maʼlumot uchun, Javohir Sindorov Jahon shaxmat toji uchun kurashish imkonini beruvchi ushbu nufuzli turnirda qatnashayotgan ilk oʻzbekistonlik shaxmatchi hisoblanadi. Hozirga qadar u rossiyalik Andrey Yesipenko, Rameshbabu Praggnanandha, Fabiano Karuana va Hikaru Nakamura ustidan gʻalaba qozondi, shuningdek, Mattias Blyubaum bilan durang oʻynadi.

Oʻzbekistonlik shaxmatchi musobaqada magʻlubiyatsiz seriyasini davom ettirmoqda.