Illyustrativ foto

Afgʻonistonda sodir boʻlgan zilzila kuchi Oʻzbekiston hududida ham sezildi. Bu haqda Seysmoprognostik monitoring Respublika markazi xabar berdi.

Maʼlum qilinishicha, zilzila bugun, 3-aprel kuni soat 21:12 da qayd etilgan. Yer silkinishi epitsentri Toshkentdan 526 kilometr janubiy-sharqda joylashgan. Uning magnitudasi 6 teng. Tebranish 207 kilometr chuqurlikda hosil boʻlgan.

Yer qimirlashining epitsentri Afgʻonistonning Badaxshon viloyatida, koordinatalari esa 36,69 daraja shimoliy kenglik, 70,76 daraja sharqiy uzunlikda qayd etilgan.

Oʻzbekiston hududida sezilishi:

• Surxondaryo viloyatida 3 ball, 314 kilometr;

• Fargʻona viloyatida 2-3 ball, 420 kilometr;

• Sirdaryo viloyatida 2-3 ball, 457 kilometr;

• Jizzax viloyatida 2-3 ball, 457 kilometr;

• Samarqand viloyatida 2-3 ball, 468 kilometr;

• Andijon viloyatida 2-3 ball, 477 kilometr;

• Namangan viloyatida 2-3 ball, 485 kilometr;

• Qashqadaryo viloyatida 2-3 ball, 499 kilometr;

• Toshkent viloyatida 2-3 ball, 520 kilometr;

• Toshkent shahrida 2-3 ball, 526 kilometr.

Eslatib oʻtamiz, bugun soat 15:26 da ham respublikamizning 6 ta hududida 2-3 balli zilzila qayd etilgan edi.