Botanika bogʻida velosiped va samokatda harakatlanish taqiqlandi
2026-yil 1-apreldan boshlab Toshkent shahridagi Botanika bogʻi hududida barcha turdagi velosiped va samokatlarda harakatlanish taqiqlandi. Bu haqda Fanlar akademiyasi xabar qildi.
Maʼlum qilinishicha, soʻnggi vaqtlarda bogʻ hududida velosiped va samokatlarda harakatlanish davomida fuqarolarning yiqilishi va turli darajadagi tan jarohatlari olishi bilan bogʻliq noxush holatlar tez-tez kuzatilmoqda.
Shu munosabat bilan, tashrif buyuruvchilarning koʻplab soʻrovlari hamda Ilmiy kengashning qaroriga asosan 2026-yil 1-apreldan boshlab Botanika bogʻi hududida barcha turdagi velosiped va samokatlar harakatlanishi toʻxtatiladi.
“Ushbu chora barchamiz uchun bogʻda xavfsiz, tinch va osuda piyoda sayr qilish muhitini yaratish maqsadida amalga oshirilmoqda. Tabiat goʻzalligidan piyoda sayr qilib, xotirjam bahra olishingiz uchun barcha sharoitlar saqlab qolinadi”, deyiladi xabarda.
Shuningdek, fuqarolardan ushbu tartibga amal qilish va oʻzi hamda atrofdagilar xavfsizligiga befarq boʻlmaslik soʻralgan
Tavsiya etamiz
Ko‘p o‘qilganlar
- “Oʻtgan bahsda konsentratsiya biroz joyida emas edi. Shu sababli “jinnicha” xatolarga yoʻl qoʻydik” — Fabio Kannavaro
- AQSH mudofaa xarajatlari tufayli NATO boʻyicha ittifoqchilarini himoya qilishdan voz kechishi mumkin
- Ben Kingsli ishtirok etgan Islom sivilizatsiyasi markazi haqidagi film New York Festivals 2026 finaliga yoʻl oldi
- Shavkat Mirziyoyev Saudiya Arabistoni Podshohligi Valiahdi Muhammad bin Salmon Ol Saud bilan telefon orqali muloqot qildi
- Toshkentda qilichbozlikning sablya yoʻnalishi boʻyicha Jahon kubogi bosqichi start oldi
- “Dronlar dueli” yoxud Ukrainadan Erongacha boʻlgan sinov poligonlarida shakllangan yangi dunyo tartibi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring