AQSH Prezidenti Donald Tramp agar Tehron nizoni hal qilish boʻyicha muzokaralarni izdan chiqarsa, Eronning barcha elektr stansiyalarini, neft quduqlarini va Fors koʻrfazidagi Xarg orolini yoʻq qilish bilan tahdid qildi. Tegishli bayonot uning Truth Social ijtimoiy tarmogʻidagi sahifasida eʼlon qilindi.

— Agar biror sababga koʻra yaqin orada kelishuvga erishilmasa (bu ehtimol yuz beradi ham) va Hurmuz boʻgʻozi zudlik bilan “tijoriy faoliyat uchun ochilmasa”, biz Erondagi “boʻlishimiz”ni yakunlaymiz. Biz ularning barcha elektr stansiyalarini, neft quduqlarini va Xarg orolini (ehtimol, barcha chuchuk suv chiqarish qurilmalarini ham!), hozirgacha biz ongli ravishda “tegmagan” obyektlarni portlatib, butunlay yoʻq qilamiz, — deb yozdi Amerika yetakchisi.

Trampning taʼkidlashicha, shu yoʻl bilan Vashington bundan 47 yil oldin Eronda yuz bergan Islom inqilobidan keyin halok boʻlgan amerikalik harbiylar va boshqa fuqarolar uchun qasd olishi mumkin.

Shu bilan birga, AQSH Prezidenti Vashington Eronning “yangi va oqilonaroq” rasmiylari bilan muzokaralar olib borayotganini qoʻshimcha qildi.