AQSH va Isroilning Eronga qarshi harbiy operatsiyasi natijasida shikastlangan Fors koʻrfazi mamlakatlaridagi energetika infratuzilmasini tiklash uchun kamida 25 milliard dollar miqdorida investitsiya talab etiladi. Bu haqda TASS xabar bermoqda.

— Yaqin Sharqdagi urush neft va gaz yetkazib berishda jiddiy global uzilishlarga olib keldi. Butun mintaqa boʻylab suyultirilgan tabiiy gaz ishlab chiqarish liniyalari, neftni qayta ishlash zavodlari, yoqilgʻi terminallari va gazni suyuq yoqilgʻiga aylantiruvchi muhim korxonalarning shikastlanishi va ishi toʻxtab qolishi qayd etildi. Dastlabki baholashlarga koʻra, bugungi kunda energetika infratuzilmasini taʼmirlash va tiklash xarajatlari kamida 25 milliard dollarni tashkil etishi mumkin, — deyiladi Rystad Energy konsalting kompaniyasi bayonotida.

Eng koʻp zarar koʻrgan obyektlar sirasiga Qatardagi gazni suyultirish, saqlash va joʻnatish boʻyicha asosiy quvvatlar jamlangan Ras-Laffan sanoat klasteri hamda Erondagi yirik Janubiy Pars gaz koni kiradi.

Bundan tashqari, Bahraynning Bapco Energies kompaniyasiga qarashli neftni qayta ishlash zavodiga ham sezilarli zarar yetkazilgan.