Oʻzbekistonning Isroildagi elchixonasi mamlakat va uning atrofida xavfsizlik vaziyati keskinlashgani munosabati bilan, ushbu davlat hududida boʻlib turgan yurtdoshlarimizni xotirjamlik va hushyorlikni saqlashga chaqirdi.

Fuqarolardan Isroil rasmiy organlari tomonidan berilayotgan xavfsizlik boʻyicha koʻrsatmalarga soʻzsiz amal qilish, maxsus jihozlangan himoyalangan joylar (boshpanalar) yaqinida boʻlish va mahalliy hokimiyat organlarining qoʻshimcha bildirishlariga qadar ularni tark etmaslik soʻralgan.

Elchixona bilan bogʻlanish uchun:

• 03-672-2466
• 03-672-2371
• 03-758-5075
• 03-758-5076

Favqulodda va shoshilinch xabarlar uchun:

• +972 54 485 1397
• Elektron manzil: il.uzembassy@mfa.uz

“Agar imkoniyat mavjud boʻlsa, vaziyat barqarorlashgunga qadar Isroilni vaqtincha tark etish tavsiya etiladi”, — deyiladi ogohlantirish xabarida.

Elchixonaga Isroil tomonidan taqdim etilgan maʼlumotlarga koʻra:

• Isroil–Misr chegarasidagi “Begin” (“Taba”) chegara punkti 24 soat davomida ishlamoqda.
• Amaldagi hujjatlarga ega boʻlgan Oʻzbekiston fuqarolari uchun Sinay yarimoroliga kirishda viza talab etilmaydi.
• Chegara yigʻimlarini ortiqcha kechikishlarning oldini olish maqsadida toʻlovni oldindan onlayn toʻlash tavsiya etiladi.
• Qolgan quruqlikdagi chegara oʻtish punktlari Sizning xavfsizligingiz uchun tavsiya etilmaydi.
• Isroil–Misr chegaralaridagi punktlar ish rejimida oʻzgarishlar boʻlishi mumkin. Safarni rejalashtirishdan oldin dolzarb maʼlumotlarni aniqlash tavsiya etiladi.

Shuningdek, Elchixonaga murojaat qilayotgan fuqarolarga yana bir bor eslatamiz:

• Oʻzbekiston Respublikasi Tashqi ishlar vazirligi va xorijdagi diplomatik vakolatxonalarining rasmiy veb-resurslarida joylashtirilayotgan xabarlarni muntazam kuzatib borish juda muhim.
• Ayniqsa, Isroil rasmiy xizmatlari tomonidan internet tarmogʻida eʼlon qilinayotgan ogohlantirish va amaliy tavsiyalarga alohida eʼtibor qaratish zarur.
• Xavfsizlik qoidalariga qatʼiy rioya qilish hayot va sogʻliqni saqlashning muhim kafolatidir.