Oʻzbekistonda 1-martdan ov mavsumi yopiladi
Oʻzbekiston Respublikasining 2020-yil 8-iyuldagi “Ov qilish va ovchilik xoʻjaligi toʻgʻrisida”gi 627-son Qonuniga muvofiq, har yili 1-martdan 15-avgustga qadar respublika hududida ov mavsumi yopiladi. Bu haqida Oʻzbekiston Respublikasi Ekologiya va iqlim oʻzgarishi milliy qoʻmitasi xabar berdi.
Maʼlum qilinishicha, ushbu cheklov biologik resurslarni asrash, yovvoyi fauna vakillarining koʻpayishi davrida ularni muhofaza qilish hamda tabiiy muvozanatni taʼminlashga xizmat qiladi.
“Taqiqlangan mavsumda ov qilish amaldagi qonunchilikka muvofiq qatʼiy javobgarlikka sabab boʻladi. Ekologiya va iqlim oʻzgarishi milliy qoʻmitasi fuqarolarni ov mavsumi yopiq davrida tabiatga ehtiyotkorona va masʼuliyat bilan munosabatda boʻlishga chaqiradi”, — deyiladi xabarda.
Shuningdek, noqonuniy ov holatlariga duch kelgan taqdirda, 1157, 1207, (71) 207-11-07, (71) 207-11-08 ishonch telefonlari yoki “ecogovuz_bot” Telegram boti orqali va qoʻmitaning hududiy boshqarmalariga murojaat qilish mumkin boʻladi.
Tavsiya etamiz
Ko‘p o‘qilganlar
- “Oʻtgan bahsda konsentratsiya biroz joyida emas edi. Shu sababli “jinnicha” xatolarga yoʻl qoʻydik” — Fabio Kannavaro
- AQSH mudofaa xarajatlari tufayli NATO boʻyicha ittifoqchilarini himoya qilishdan voz kechishi mumkin
- Ben Kingsli ishtirok etgan Islom sivilizatsiyasi markazi haqidagi film New York Festivals 2026 finaliga yoʻl oldi
- Shavkat Mirziyoyev Saudiya Arabistoni Podshohligi Valiahdi Muhammad bin Salmon Ol Saud bilan telefon orqali muloqot qildi
- Toshkentda qilichbozlikning sablya yoʻnalishi boʻyicha Jahon kubogi bosqichi start oldi
- “Dronlar dueli” yoxud Ukrainadan Erongacha boʻlgan sinov poligonlarida shakllangan yangi dunyo tartibi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring