Fargʻonada bogʻcha bolasini tok urishi yuzasidan jinoyat ishi qoʻzgʻatildi
Foto: Telegram
Avvalroq Fargʻona shahridagi maktabgacha taʼlim muassasasida 6 yoshli bolani yuqori kuchlanishli tok urgani haqida xabar berilgan edi. Bosh prokuratura matbuot kotibi Hayot Shamsutdinov mazkur holat yuzasidan jinoyat ishi qoʻzgʻatilganini maʼlum qildi.
Uning qayd etishicha, bolakayni elektr toki urganligi holati yuzasidan Jinoyat kodeksining 116-moddasi (kasb yuzasidan oʻz vazifalarini lozim darajada bajarmaslik) bilan jinoyat ishi qoʻzgʻatilgan. Hozirda tergov harakatlari olib borilmoqda.
Bolalar ombudsmani mazkur holat nazoratga olinganini bildirdi.
Unga koʻra, voqea joriy yilning 18-fevral kuni Fargʻona shahrida joylashgan maktabgacha taʼlim muassasasining 6 yashar tarbiyalanuvchisi R.A. bilan sodir boʻlgan. Bolakay muassasa hududidagi transformatorlar oʻrnatilgan maxsus yertoʻlaning ustki darchasidan yiqilib, tok urushi natijasida tan jarohati olgan hamda shifoxonaga olib kelingan.
Hozirda voyaga yetmagan R.A.ning olgan tan jarohati yuzasidan sud-tibbiy ekspertizasi tayinlangan.
Tavsiya etamiz
Ko‘p o‘qilganlar
- “Oʻtgan bahsda konsentratsiya biroz joyida emas edi. Shu sababli “jinnicha” xatolarga yoʻl qoʻydik” — Fabio Kannavaro
- AQSH mudofaa xarajatlari tufayli NATO boʻyicha ittifoqchilarini himoya qilishdan voz kechishi mumkin
- Ben Kingsli ishtirok etgan Islom sivilizatsiyasi markazi haqidagi film New York Festivals 2026 finaliga yoʻl oldi
- Shavkat Mirziyoyev Saudiya Arabistoni Podshohligi Valiahdi Muhammad bin Salmon Ol Saud bilan telefon orqali muloqot qildi
- Toshkentda qilichbozlikning sablya yoʻnalishi boʻyicha Jahon kubogi bosqichi start oldi
- “Dronlar dueli” yoxud Ukrainadan Erongacha boʻlgan sinov poligonlarida shakllangan yangi dunyo tartibi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring