Ekvadordagi plyajdan sakkizta kesilgan bosh topildi — BILD
Ekvador politsiyasi 14-fevral kuni mamlakatning Guayas sohil provinsiyasidagi plyajlardan birida sakkizta kesilgan bosh topilganini maʼlum qildi.
Politsiya rahbari Marselo Kastilyoning maʼlum qilishicha, topilgan boshlar yonida “oʻgʻirlik taqiqlanadi” mazmundagi yozuv tushirilgan xat qoldirilgan.
Qayd etilishicha, bu kabi holat ilk bor sodir boʻlayotgani yoʻq. Jumladan, shu yilning yanvar oyida ham Ekvadordagi boshqa bir plyajda beshta kesilgan bosh topilgan edi. Huquq-tartibot idoralari ushbu jinoyatlarni mamlakatda avj olgan giyohvand moddalar kartellari oʻrtasidagi urush bilan bogʻlamoqda.
Mazkur toʻqnashuvlar oqibatida Ekvador Janubiy Amerikaning eng zoʻravon davlatlaridan biriga aylanib qolgan. Mamlakat ichki ishlar vazirligi xabariga koʻra, oʻtgan yili qotilliklar darajasi har 100 ming aholiga 54 tani tashkil etgan.
Maʼlumot uchun, Ekvador dunyodagi eng yirik kokain ishlab chiqaruvchi davlatlar — Kolumbiya va Peru orasida joylashgan boʻlib, giyohvand moddalar kontrabandasi uchun muhim tranzit hudud hisoblanadi.
Tavsiya etamiz
Ko‘p o‘qilganlar
- “Oʻtgan bahsda konsentratsiya biroz joyida emas edi. Shu sababli “jinnicha” xatolarga yoʻl qoʻydik” — Fabio Kannavaro
- AQSH mudofaa xarajatlari tufayli NATO boʻyicha ittifoqchilarini himoya qilishdan voz kechishi mumkin
- Ben Kingsli ishtirok etgan Islom sivilizatsiyasi markazi haqidagi film New York Festivals 2026 finaliga yoʻl oldi
- Shavkat Mirziyoyev Saudiya Arabistoni Podshohligi Valiahdi Muhammad bin Salmon Ol Saud bilan telefon orqali muloqot qildi
- Markaziy Osiyoning intellektual merosini ulugʻlashda yangi bosqich Toshkentda boshlanmoqda — The Washington Post
- Toshkentda qilichbozlikning sablya yoʻnalishi boʻyicha Jahon kubogi bosqichi start oldi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring