Табиат ва замонавийлик уйғунлиги

Фото: Сирожиддин Воҳидов / “Халқ сўзи”

Бўстонлиқ туманидаги Чимён тоғлари... Бу сўзни эшитганимизда кўз олдимизда салобатли чўққилар ва тоза ҳаво гавдаланади. Аммо Бўстонлиқ нафақат гўзал табиат, балки замонавий дам олиш имкониятларини ҳам тақдим этади. Чорвоқда тоғлар бағрида контейнерлардан қурилган ўзгача дам олиш масканлари пайдо бўлган.

Бу контейнерлар шунчаки яшаш учун бошпана эмас, улар табиат билан уйғунлашган, замонавий дизайнга эга қулай жойлардир. Тоғ ҳавоси ва гўзал манзарадан баҳраманд бўлиш учун айни муддао. Улар ичкарисида барча шароитлар яратилган, шунингдек, ташқарисида дам олиш учун жойлар ҳам мавжуд.

Чимённинг гўзаллигини тўлиқ ҳис қилиш учун эса отда сайр қилиш энг яхши вариантлардан бири. Отлар устида бемалол юриб, табиатнинг асл ҳолатини кўришингиз ва ундан завқланишингиз мумкин. Одамлар тоғ ҳавоси ва манзараларидан баҳра олиб, кунлик ташвишлардан узоқлашишмоқда.