Архив сурат

Хитой жанубидаги Гуандун провинцияси маркази Гуанчжоу шаҳрида шанба куни содир бўлган торнадо оқибатида беш киши ҳалок бўлди, 33 киши жароҳатланди. Бу ҳақда «Синьхуа» агентлиги хабар берди.

Маҳаллий маъмурият маълумотларига кўра, торнадо Байюнь муниципалитети ҳудудидаги Чжунлотань шаҳарчасига тахминан соат 15:00 да бостириб келган. Торнадо жойидан тахминан 2,8 км узоқликда жойлашган Лянтянь қишлоғидаги метеорология станцияси шамолнинг максимал тезлиги 20,6 м/с.ни ташкил этган.

Табиий офат зонасидаги оқибатларни бартараф этишга шаҳар фавқулодда вазиятлар бошқармаси қутқарувчилари, метеорология, ёнғин, уй-жой қурилиши ва тиббиёт хизматлари ходимлари ҳамда маҳаллий аҳоли ўз вақтида жалб этилди.

Соат 22:00 ҳолатига кўра қидирув-қутқарув ишлари асосан якунланди. Барча жабрланганлар шифохонага етказилган.

Расмийларнинг аниқлик киритишича, 141 та саноат биноси шикастланган, турар-жой биноларининг қулаши кузатилмаган.