Гулчилик – ҳам гўзаллик, ҳам даромад
Фото: Халқ сўзи
Фарғона вилояти Тошлоқ тумани ҳокимлиги томонидан ёш тадбиркор Элёрбек Каримовга қишлоқ хўжалигида фойдаланилмайдиган ва қаровсиз ётган 1 гектар ер ажратиб берилди.
Тадбиркор ўз бизнес-режасига кўра бўш ер майдонида иссиқхона ташкил этиб, 10 турдаги гул навлари парваришини йўлга қўйди. Ҳозирда иссиқхонада етиштирилаётган маҳаллий ва хориждан келтирилган ноёб гуллар жуда ҳам харидоргир. Муҳими, тадбиркорнинг бу ташаббуси туфайли ўн нафар хотин-қиз доимий иш ўрнига эга бўлди.
— Гулчиликда қўшни Қува тумани миришкорлари тажрибасини ўрганиб, йилнинг тўрт фаслида ҳам бозори чаққон бўладиган атиргулларни парваришлаяпмиз, — дейди тадбиркор. — Шунга яраша даромад ҳам чакки эмас. Биргина жорий йилнинг ўзида даромадимиз 350 миллион сўмни ташкил этди.
Анвойи ва хуш ифорли атиргуллар водийдаги гул бозорларига етказиб берилиши баробарида қўшни мамлакатларга ҳам экспорт қилинмоқда.
Ботир Мадиёров, «Халқ сўзи».
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- Тошкентда «UzFood 2026» ва «OʻzuPACK 2026» Халқаро кўргазмалари бўлиб ўтмоқда (+фоторепортаж)
- Шайха Носир Ал Новайс: “Мен бу каби ёндашувни аввал кўрмаганман”
- “Енгилмас: Токиога йўл” бадиий фильмининг премьераси бўлиб ўтди
- Ўзбекистон Республикаси давлат мустақиллигининг 35 йиллигини кенг нишонлашга тайёргарлик кўриш ва уни ўтказиш тўғрисида
- Тошкентда Амир Темур таваллудининг 690 йиллиги муносабати билан ҳарбий парад ўтказилмоқда (фоторепортаж)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг