Фото: AP

Бу ҳафта дунёнинг энг кекса одами — инглиз Этель Кетерхэм хоним ўзининг 116 ёшини нишонлади.

Этель 1909 йил 21 августда Буюк Британиянинг Шиптон-Бэллинжер қишлоғида туғилган. Ёшлигида у Ҳиндистонга ишлаш учун кетган ва 1933 йилда Қуролли Кучлар подполковниги Норман Кетерхэмга турмушга чиққан. Улар Гонконг ва Гибралтарда яшаган ва икки қизи бўлган. 1976 йилда унинг турмуш ўртоғи вафот этади.

«Этель ва унинг оиласи бу йил 116 ёшга тўлиши муносабати билан унга кўрсатилган барча меҳрли хабарлар ва эътибор учун жуда миннатдор», — дейилади қариялар уйида.

Аёл ўзининг 116 ёшини оиласи билан Лайтвотердаги қариялар уйида нишонлади. Этель хоним интервью беришни истамаган. У ҳазил тариқасида фақат ўтган йили 115 ёшга тўлгани муносабати билан табрикнома юборган қирол Чарльз III учун истисно қилишга тайёр экани айтган.

Статистика маълумотларига кўра, 100 ёшга қадар яшайдиган одамлар сони доимий равишда ўсиб бормоқда. Масалан, 2022 йилда Германияда 16 000 нафардан ортиқ, Буюк Британияда 15 000 нафардан ортиқ юз билан юзлашганлар рўйхатга олинган.

Инсоният тарихида энг кекса одам француз аёли Жанна Луиза Кальман ҳисобланади. У 1997 йилда 122 ёшу 164 кунлик ёшида вафот этган. Қувноқ инглиз аёл бу рекордни янгилайдими? Бу эса вақт кўрсатади.