Фото: Бокс федерацияси

Бокс бўйича Ўзбекистон терма жамоаси «World Boxing» ташкилоти кубогини умумжамоа ҳисобида 1-ўрин билан якунлади, деб хабар бермоқда Ўзбекистон бокс федерацияси.

Қайд этилишича, жорий йилнинг 31 мартидан 5 апрель кунига қадар Бразилиянинг Фос-ду-Игуасу шаҳри мезбонлигида «World Boxing» ташкилоти кубоги баҳслари бўлиб ўтди.

Тўлқин Қиличев бошчилигидаги Ўзбекистон терма жамоаси эркаклар кесимида 10 та вазннинг 8 тасида ғолиб ва совриндорлар қаторидан жой олди. Хусусан, вакилларимиз 7 та финал йўлланмасини қўлга киритиб, якунда 5 та олтин, 2 та кумуш медалларини қўлга киритди. Шунингдек, жамоа ҳисобида 1 та бронза медали ҳам бор. Албатта бу натижа ўзбек боксчиларига доимгидек умумжамоа ҳисобида биринчиликни тақдим этди.

Медаллар жамғариш бўйича кейинги ўринни мезбонлар: 3 та олтин, 2 кумуш ва 4 та бронза билан, учинчи ўрин эса, қўшни Қозоғистон жамоаси банд этди. Улар ҳисобида 3 олтин (икки эркак, бир аёл) ва 3 та бронза медали бор.

Ғолиб ва совриндор бўлган Ўзбекистон терма жамоаси аъзолари:

Олтин медаль:

• -50 кг. Асилбек Жалилов;
• -75 кг. Фазлиддин Эркинбоев;
• -80 кг. Жавоҳир Умматалиев;
• -90 кг. Тўрабек Ҳабибуллаев;
• +90 кг. Жаҳонгир Зокиров.

Кумуш медаль:

• -55 кг. Миразизбек Мирзаҳалилов;
• -85 кг. Акмалжон Исроилов.

Бронза медаль:

• -60 кг. Мадияр Данияров.