Бугун, 7 август куни Ўзбекистонинг Тошкент, Фурқат, Ғозғон, Мингбулоқ ва Тахиатош туманларига янги ҳоким тайинланди.

Ғозғон шаҳрига янги ҳоким тайинланди

Жўраев Нурали Шуҳратович — Навоий вилоятининг Ғозғон шаҳри ҳокими вазифасига тайинланди.

Бунга қадар у Инвестициялар, саноат ва савдо вазирлиги ҳудудларни ривожлантириш бошқармаси бош мутахассиси вазифасида фаолият юритган.

Тахиатош туманига янги ҳоким тайинланди

Айтбаев Камилжан Курбанбаевич — Тахиатош тумани ҳокими этиб тайинланди.

У бунга қадар Амударё тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — иқтисодий тараққиёт ва камбағалликни қисқартириш бўлими бошлиғи лавозимида фаолият олиб борган.

Мингбулоқ туманига янги ҳоким тайинланди

Мансуров Аҳрор Аҳмадалиевич — Наманган вилоятининг Мингбулоқ тумани ҳокими этиб тайинланди.

Фурқат туманига янги ҳоким тайинланди

Асронкулов Элёрбек Мадаминович — Фарғона вилоятининг Фурқат тумани ҳокими этиб тайинланди.

Бунга қадар у Ижтимоий ҳимоя миллий агентлигининг Фарғона вилояти бошқармаси бошлиғи бўлиб ишлаб келган.

Тошкент туманига янги ҳоким тайинланди

Эргашев Сардорбек Кадирович — Тошкент вилоятининг Тошкент тумани ҳокими этиб тайинланди.

У фаолияти давомида Тошкент тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – туман иқтисодий тараққиёт ва камбағалликни қисқартириш бўлими бошлиғи ҳамда Ижтимоий ҳимоя миллий агентлигининг Тошкент вилояти бошқармаси бошлиғи лавозимларида ишлаган.