Коронавирус тарқалиши бўйича Россия дунёда учинчи ўринга чиқди
Россия дунёда коронавирус билан касалланганлар сони бўйича Буюк Британия ва Италияни ортда қолдириб, учинчи ўринга чиқиб олди, деб хабар берди ТАСС агентлиги.
Сўнгги маълумотларга кўра, Россияда коронавирус билан касалланганлар сони 221 344 кишига етган.
Бир кунда янги зарарланиш ҳолатлари Россиянинг барча 84 регионида қайд этилган. Шундан 6 169 ҳолат пойтахт Москвага тўғри келади.
Охирги бир кунда коронавирус беморларининг 94 нафари вафот этди. Шу тариқа, жами қурбонлар сони 2 009 нафарга етди.
Россияда сўнгги тўққиз кун давомида кунлик касалланиш ҳолатлари сони 10 мингдан кам бўлмаяпти. 7 май куни Россия Германия ва Францияни ортда қолдириб, бешинчи ўринга кўтарилган эди.
Британия расмийлари 219 183 ҳолат ҳақида хабар қилишган, Италияда эса ушбу инфекцияни 219 070 киши юқтирган. Британия ва Италия душанба кунги рақамларни ҳозирча эълон қилмади.
Бугунги кунда Испания вирусни юқтирганлар сони бўйича дунёда иккинчи ўринда туради (224 390), касаллик тарқалиши бўйича яккаҳокимлик қилаётган АҚШда 1,4 миллион одам вирус юқтирган.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Тошкентда қиличбозликнинг сабля йўналиши бўйича Жаҳон кубоги босқичи старт олди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг