Фарғоналик миришкор вертикал усулда тарвуз етиштирди
Фото: Халқ сўзи
Фарғона вилояти Ўзбекистон тумани «Кўл элаш» маҳалла фуқаролар йиғинида каттаю кичик Юсуфжон Эргашевга миришкор томорқачи дея таъриф беради. У оила аъзолари билан томорқачиликда доимо янгиликлар яратишга, инновацион ғоялардан фойдаланишга ҳаракат қилади. Навбатдаги тажриба эса маҳалладошларни янада ҳайратлантирди – Юсуфжон ака томорқасида тарвузни интенсив – вертикал усулда экиб етиштирди.
— Бу усул ёрдамида 20 сотих майдонни эгаллайдиган кўчатлар атиги икки сотих ерда парваришланди, — дейди миришкор. — Дастлабки йилнинг ўзида ўртача 10 тонна ҳосил – 30-35 миллион сўм даромад олишни кўзлаяпмиз.
Бунинг учун бор-йўғи 1,5 миллион сўм харажат қилинди. Айтганча, оила аъзолари тажрибали агрономлар билан ҳамкорликда кўчатни маҳаллий биогумус ёрдамида озиқлантирди. Ҳосил пишгунча қадар икки марта минерал ўғитдан фойдаланилди.
Миришкор оила аъзолари келгуси йили янада эртароқ ва кўпроқ майдонда вертикал усулда тарвуз етиштириш ҳамда ушбу тажрибани оммалаштиришни режалаштирмоқда.
Ботир Мадиёров, «Халқ сўзи».
Тавсия этамиз
Кўп ўқилганлар
- Тошкентда «UzFood 2026» ва «OʻzuPACK 2026» Халқаро кўргазмалари бўлиб ўтмоқда (+фоторепортаж)
- Шайха Носир Ал Новайс: “Мен бу каби ёндашувни аввал кўрмаганман”
- Ўзбекистон Республикаси давлат мустақиллигининг 35 йиллигини кенг нишонлашга тайёргарлик кўриш ва уни ўтказиш тўғрисида
- “Енгилмас: Токиога йўл” бадиий фильмининг премьераси бўлиб ўтди
- Тошкентда Амир Темур таваллудининг 690 йиллиги муносабати билан ҳарбий парад ўтказилмоқда (фоторепортаж)
- Сурхондарёда 3 минг йиллик шаҳар қолдиқлари топилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг