Амир Темур таваллудининг 690 йиллигига бағишланган эсдалик тангалари сотувга чиқарилди
Фото: Марказий банк
Соҳибқирон Амир Темур таваллудининг 690 йиллигига бағишланган эсдалик тангалари ва сувенир тўпламлари сотувга чиқарилди. Бу ҳақда Ўзбекистон Республикаси Марказий банки матбуот хизмати хабар берди.
Маълум қилинишича, мазкур нумизматика намуналари миллий тарихимизни улуғлаш ва бой маданий меросимизни муносиб қадрлаш мақсадида зарб этилган.
Сотувда Амир Темур сиймоси акс этган, 31,1 г оғирликдаги 2 хил дизайндаги эсдалик тангалари ва ҳар бири 31,1 г бўлган 3 талик сувенир тўпламлари мавжуд бўлиб, улар 999,9 асилликдаги олтин ва кумушдан тайёрланган.
Тангаларда Соҳибқирон сиймоси ва «Темур тузуклари»дан ҳикматлар зарб этилган. Улар юқори бадиий ва коллекцион қийматга эга ҳисобланади.
Қайд этилишича, сотув нархлари ва банклардаги мавжудлик бўйича янгиланган маълумотлар регуляторнинг расмий веб-сайти ҳамда ижтимоий тармоқларида ҳар куни эълон қилинади.
Таъкидланишича, халқаро қимматбаҳо металлар бозори конъюнктурасидан келиб чиқиб, Марказий банк томонидан нархлар кун давомида қайта кўриб чиқилиши мумкин.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
- Тошкентда «UzFood 2026» ва «OʻzuPACK 2026» Халқаро кўргазмалари бўлиб ўтмоқда (+фоторепортаж)
- «Сохта тетикликнинг ҳақиқий ҳалокати»: энергетик ичимликларнинг секин, аммо муқаррар йиқитиш жараёни ҳақида
- Шайха Носир Ал Новайс: “Мен бу каби ёндашувни аввал кўрмаганман”
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг