Бухорода олтин қуймасини 17 минг долларга сотган шахслар ушланди
Фото: ДХХ
Бухоро вилояти Шофиркон туманида 209 млн сўмлик олтин қуймасини ноқонуний сотган шахслар қўлга олинди. Бу ҳақда Давлат хавфсизлик хизмати хабар берди.
Маълум қилинишича, ДХХнинг Бухоро вилояти бўйича бошқармаси ходимлари томонидан божхона ва ички ишлар органлари билан ҳамкорликда тезкор тадбир ўтказилган. Унда Шофиркон туманида яшовчи, 25 ва 21 ёшли икки нафар фуқаро соф оғирлиги 110 грамм бўлган ностандарт шаклдаги олтин қуймасини 17 минг долларга сотган вақтида ашёвий далиллар билан ушланган.
Тезкор тадбир давом эттирилиб, ушбу қимматбаҳо металлни қотишма шаклида ясаб берган, 25 ёшли шахснинг яшаш хонадони кўздан кечирилганида қимматбаҳо металлни эритишга мўлжалланган ускуналар, прекурсорлар ҳамда кислород ва суюлтирилган газ баллонлари борлиги аниқланган.
Экспертиза хулосасига кўра, ушбу олтин қуймасининг баҳоси 209 млн 757 минг сўмни ташкил этади.
Қайд этилишича, ҳозирда мазкур шахсларга нисбатан жиноят иши қўзғатилиб, тергов ҳаракатлари олиб борилмоқда.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Тошкентда қиличбозликнинг сабля йўналиши бўйича Жаҳон кубоги босқичи старт олди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг