ОАВ: АҚШ Эрон билан урушни 9 апрелгача тугатмоқчи
АҚШ Эрон билан низо якунланганини 9 апрель куни эълон қилишни режалаштирмоқда, деб даъво қилмоқда Ynet портали.
— Вашингтон урушни тугатиш учун мақсадли сана сифатида 9 апрелни белгилади, — деди исми ошкор этилмаган исроиллик мулозим.
Аниқлик киритилишича, урушнинг ушбу муддатгача тўхтатилиши Америка етакчиси Дональд Трампга Исроил Мустақиллик кунида у ерга ташриф буюриш ва Исроил давлат мукофотини олиш имконини беради.
Бундан олдин АҚШ Президенти Эроннинг энергетика инфратузилмасига берилаётган зарбаларни тўхтатиш бўйича топшириқ берганини маълум қилган эди. Унинг таъкидлашича, сўнгги икки кун ичида Вашингтон ва Теҳрон самарали музокаралар ўтказган ва бу жараён ҳафта давомида давом эттирилади.
Шу билан бирга, Эрон Ташқи ишлар вазирлиги АҚШ билан музокаралар олиб борилганини рад этди, бироқ воситачилар орқали низони мулоқот йўли билан ҳал этиш истаги акс этган мактублар олганини тасдиқлади.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Тошкентда қиличбозликнинг сабля йўналиши бўйича Жаҳон кубоги босқичи старт олди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг