Фото: Питер Клаунзер / EPA

Сўнгги ҳафтада дунёдаги энг муҳим воқеалар камера объективлари орқали ёритилди. Сиз қуйида Милан-Кортина Қишки Паралимпиясидаги спорт мусобақалари, Нью-Йоркда уюштирилган норозилик намойишлари, Ғазода Рамазон ойидаги ифтор дастурхони, Исроил ва Эрон муносабатлари оқибатлари ҳақида сўзловчи суратлар билан танишишингиз мумкин.

Фотожурналистлар якунланаётган ҳафтадаги воқеаларни тасвирга олишда нафақат вазият, балки одамларнинг реакцияси, атроф муҳит ва унинг инсон ҳаётига таъсирини ҳам акс эттиришга ҳаракат қилган.

Ғазода ифторлик

Ал-Нажар оиласи аъзолари Рамазон ойида вайрон бўлган бинолар орасида ифтор қилишмоқда. Сўнгги ойларда ҲАМАС назоратидаги Ғазо ҳудудларига Исроил томонидан янги қидирув ва қўлга олиш операциялари амалга оширилмоқда.

Хор Факкан, Бирлашган Араб Амирликлари

Ҳормуз бўғози Эрон томонидан тўсиб қўйилганидан сўнг, денгизда туриб қолган нефть танкерлари ва юк кемалари фонида соҳилда от чоптираётган қиз. Исроил-АҚШ ва Эрон ўртасида уруш бошланганидан бери 1,000 дан ортиқ нефть ва газ танкерлари Ҳормуз бўғозидан ўта олмай турибди.

Нью-Йорк, АҚШ

Нью-Йоркда Жейк Ланг тарафдорлари уюштирган намойиш пайтида бир фаол полиция томон қўлбола портловчи қурилма ташлаб, воқеа жойидан қочмоқда.

Довер, Делавэр, АҚШ

Довер ҳарбий базасида Кувайтда ҳалок бўлган аскар майор Сорффли Дэвиуснинг жасади устига АҚШ байроғи ёпилган тобутда олиб кетилмоқда. Можарода АҚШнинг 13 нафар ҳарбий хизматчиси ҳалок бўлган, қарийб 150 нафари яраланган. Эроннинг БМТдаги элчиси эса мамлакатда ҳалок бўлганлар сони 1,300 нафардан ошганини маълум қилган.

Нетанья, Исроил

Эрон томонидан амалга оширилган янги ракеталар ҳужуми пайтида Исроилнинг Нетанья соҳили устида кўринаётган ракеталар излари.

Исроил

Бир аёл Ҳизбуллоҳ томонидан ўққа тутилганидан кейин вайронага айланган уй деразасидан атрофни кузатмоқда. Исроил ва Ҳизбуллоҳ ўртасидаги сўнгги тўқнашувлар оқибатида Ливанда 600 дан ортиқ киши ҳалок бўлган.

Бейрут, Ливан

Бейрут марказида Исроил ҳужумидан сўнг осмонга қалин қора тутун кўтарилди, зарбалар оқибатида қурбонлар ва вайроналар қайд этилди. Ҳудуддан 800 минг киши эвакуатсия қилинди.

Теҳрон, Эрон

Теҳронда Шаҳрон ёқилғи сақлаш омборларига берилган зарбадан кейин кўтарилаётган тутун фонида одамлар вайрон бўлган автомобиль ёнида турибди.

Бирмингем, Англия

Crufts далматин итлар кўргазмасининг учинчи куни, қатнашчилар натижаларни кутмоқда.

Милан-Кортина, Италия

Норвегиялик спортчи Бернт Мариус Рёрстад Милан-Кортина Қишки Паралимпия ўйинларида супер-G лыжа мусобақасида иштирок этмоқда.