Наманганда 9-синф ўқувчилари жанжаллашди
Ижтимоий тармоқларда мактаб ўқувчилари ўртасида жанжал содир бўлгани акс этган видеотасвирлар кенг тарқалди. Мазкур ҳолат юзасидан Наманган вилояти Ички ишлар бошқармаси муносабат билдирди.
Унда айтилишича, шу йилнинг 19 февраль куни соат 21:30 ларда Косонсой тумани «А.Навоий» маҳалласида жойлашган «Улуғчинор» маданият ва истироҳат боғи олдида туманнинг 9-сонли умумтаълим мактабининг 9-синф ўқувчилари ўртасида жанжал содир бўлган.
Билдирилишича, ўқувчилар ўзаро икки кун аввалги футбол ўйинини муҳокама қилиш жараёнида, ушбу ўйин тасвирлари «Instagram» ижтимоий тармоғи саҳифасига жойлангани сабабли гап талашиб, ўзаро жанжаллашиб кетган.
Вилоят ИИБнинг маълум қилишича, барча ўқувчиларнинг шахсига ойдинлик киритилган. Ҳодиса оқибатида жароҳат олганлар аниқланмаган. Ўқувчиларнинг мазкур хатти-ҳаракатлари ота-оналари ҳамда ўқитувчилари иштирокида муҳокама қилиниб, профилактик тушунтириш ишлари олиб борилган.
Ҳозирда мазкур ҳолат юзасидан Косонсой тумани Ички ишлар бўлими томонидан терговга қадар текширув ишлари олиб борилмоқда.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Тошкентда қиличбозликнинг сабля йўналиши бўйича Жаҳон кубоги босқичи старт олди
- «Дронлар дуэли» ёхуд Украинадан Эронгача бўлган синов полигонларида шаклланган янги дунё тартиби
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг