Машарипов ва Ашурматов тўп сураётган жамоа бош мураббийи истеъфога чиқарилди

13:52 21 Февраль 2026 Спорт
1573 0

Эроннинг «Истиқлол Теҳрон» клуби бош мураббийи Рикарду Са Пинту истеъфога чиқарилди. Бу ҳақда клуб ўзининг расмий саҳифасида хабар берди.

«Истиқлол» клуби асосий жамоамизда ишлаб келган Рикарду Са Пинту билан ҳамкорликни тугатганини маълум қилади.

«Истиқлол» собиқ бош мураббий жаноб Рикарду Са Пинтунинг меҳнатини юқори баҳолайди ва унга омад тилайди», — деб ёзилади клуб баёнотида.

Форс матбуотида ушбу қарор қабул қилинишига «Истиқлол»нинг Осиё чемпионлар лигаси–2 турниридан чиқиб кетгани сабаб бўлгани таъкидланмоқда.

Маълумот учун, ушбу жамоада Ўзбекистон миллий терма жамоаси аъзолари Жалолиддин Машарипов ва Рустам Ашурматов тўп суриб келаётган эди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер