Арманистоннинг Ўзбекистондаги янги элчиси тайинланди
Арманистоннинг Ўзбекистондаги янги элчиси Георги Кочарян Ташқи ишлар вазири Бахтиёр Саидовга ишонч ёрлиқлари топширди. Бу ҳақда Ўзбекистон ТИВ раҳбари ўзининг Telegram каналида хабар берди.
Вазирнинг ёзишича, учрашувда икки давлат ўртасидаги ўзаро манфаатли ҳамкорликни янада кенгайтириш йўлларини муҳокама қилинган. Бунда катта салоҳиятга эга кўплаб йўналишлар мавжудлигига ишонч билдирилган.
«Элчи жанобларига мамлакатимиздаги фаолияти давомида муваффақиятлар тилаймиз», деб ёзади БАхтиёр Саидов.
Маълумот учун, Ўзбекистон ва Арманистон ўртасида дипломатик алоқалар 1995 йил 27 октябрь куни ўрнатилган. Шундан буён икки давлат ўртасида сиёсий, савдо-иқтисодий ва маданий-гуманитар соҳаларда ҳамкорлик босқичма-босқич ривожланиб келмоқда.
Арманистоннинг Ўзбекистондаги элчихонаси 2020 йил сентябрь ойидан фаолият бошлаган. Унгача дипломатик ваколатлар бошқа давлат орқали амалга ошириб келинган. Элчихона Тошкент шаҳрида жойлашган.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Фарғонада Наврўз: тинч-осойишта ҳаёт завқи, дориламон кунлар шукронаси...
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Марказий Осиёнинг интеллектуал меросини улуғлашда янги босқич Тошкентда бошланмоқда — The Washington Post
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг