Эрондаги намойишларда Ўзбекистон фуқаролари жабрланмаган — ТИВ
Ўтган йилнинг 28 декабридан бери Эронда оғир иқтисодий вазият ва миллий валюта курсининг кескин пасайиши сабабли бошланиб, кейинчалик сиёсий тус олган кескин норозилик намойишлари давом этмоқда. Шу муносабат билан Ўзбекистон Ташқи ишлар вазирлиги ушбу мамлакатда бўлиб турган ватандошларни огоҳликка чақирди.
Ўзбекистоннинг Эрондаги Элчихонаси маълумотларига кўра, ҳозирга қадар намойишлар давомида жабрланганлар орасида мамлакатимиз фуқаролари қайд этилмаган.
ТИВ матбуот хизматининг ёзишича, вазирлик Эрондаги вазиятни диққат билан кузатиб бормоқда. Шу муносабат билан, Эронда бўлиб турган Ўзбекистон фуқароларидан митинг ва намойишларда иштирок этмаслик, одамлар кўп тўпланадиган жойлардан йироқ бўлиш ҳамда шахсий хавфсизлик чораларига қатъий риоя этиш сўралди.
Қайд этилишича, зарур ҳолларда Ўзбекистоннинг Теҳрон шаҳридаги Элчихонасига қуйидаги телефон рақамлари орқали мурожаат қилиш мумкин:
+982122299780
+982122832025
Тавсия этамиз
Кўп ўқилганлар
- Тошкент вилоятида Абдулла Орипов уй-музейи очилди
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Фарғонада Наврўз: тинч-осойишта ҳаёт завқи, дориламон кунлар шукронаси...
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг