Ўзбекистон Республикаси Олий суди томонидан экстремизм ва терроризм ғоялари билан йўғрилган деб топилган, Ўзбекистонга олиб кириш, тайёрлаш, тарқатиш ва намойиш этиш тақиқланган материаллар янгиланган рўйхати эълон қилинди.

2026 йил 10 январь ҳолатига кўра, ҳуқуқ-тартибот идоралари мурожаатига асосан Дин ишлари бўйича қўмита томонидан тайёрланган диншунослик экспертизаси хулосаси асосида қарийб 1 минг 600 та контент радикал мазмунда деб топилган ва уларни Ўзбекистон ҳудудига олиб кириш, тайёрлаш, тарқатиш ва намойиш этиш тўлиқ тақиқланган.

Жумладан:

• Telegramʼда — 790 та;
• Facebookʼда — 249 та;
• YouTubeʼда — 167 та;
• Instagramʼда — 265 та;
• TikTokʼда — 53 та;
• Odnoklassnikiʼда — 36 та, шунингдек, интернет жаҳон ахборот тармоғидаги сайтлар ҳамда бошқа манбаларда 33 та контент тақиқланган.

Тақиқланган материалларнинг батафсил рўйхати қуйидагича (кетма-кетликда):

«Диний ақидапарастлик, экстремизм ва терроризм тузоғига тушиб қолишдан доимо сақланинг. Улар ҳаётингиз ва орзуларингизни барбод қилишига асло йўл қўйманг. Суд томонидан тақиқланган интернет манбалардан йироқ бўлинг», — дейилади огоҳлантириш хабарида.