Абдуманноп Бўриев бизнес-омбудсман лавозимига тайинланди
Ўзбекистон Президенти ҳузуридаги Тадбиркорлик субъектлари ҳуқуқлари ва қонуний манфаатларини ҳимоя қилиш бўйича вакил (бизнес-омбудсман) лавозимига Абдуманноп Абдураҳмадович Бўриев тайинланди.
Очиқ манбаларга кўра, Абдуманноп Абдураҳмадович Бўриев 1986 йилда Тошкент вилояти Бекобод шаҳрида туғилган.
У адлия тизимида турли раҳбарлик лавозимларида фаолият олиб борган. Хусусан, 2025 йилда Адлия вазирлиги марказий аппаратида Ташкилий-назорат ва стратегик режалаштириш бошқармаси бошлиғи лавозимига тайинланган. Бунга қадар эса Ташкилий-назорат ва таҳлил бошқармасига раҳбарлик қилган.
Шунингдек, Адлия вазирлиги ҳужжатларида Абдуманноп Бўриев Фарғона вилояти адлия бошқармаси бошлиғи сифатида ҳам фаолият юритгани қайд этилган.
Бизнес-омбудсман — тадбиркорлик субъектларининг ҳуқуқлари ва қонуний манфаатларини ҳимоя қилиш бўйича махсус ваколатли мансабдор шахс ҳисобланади. Қонунчиликка мувофиқ, бизнес-омбудсман ҳамда унинг ўринбосари Президент томонидан лавозимга тайинланади ва лавозимидан озод этилади.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Фарғонада Наврўз: тинч-осойишта ҳаёт завқи, дориламон кунлар шукронаси...
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Марказий Осиёнинг интеллектуал меросини улуғлашда янги босқич Тошкентда бошланмоқда — The Washington Post
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг