«Права»сиз ҳайдовчи ЙПХ ходимини уриб кетди. Ходим вафот этган
Видеодан кадр
Наманган вилоятида содир бўлган йўл-транспорт ҳодисаси оқибатида Навоий вилояти Йўл ҳаракати хавфсизлиги бошқармаси ходими вафот этди. Бу ҳақда Йўл ҳаракати хавфсизлиги хизмати матбуот котиби Зойир Йўлдошев маълум қилди.
Билдирилишича, воқеа кеча, 25 ноябрь куни соат 19:55 ларда Наманган вилояти Янги Наманган тумани Ислом Каримов кўчасида содир бўлган. Ҳайдовчилик гувоҳномасига эга бўлмаган 18 ёшли Х.З. «Onix» русумли автомобилни катта тезликда бошқариб, тажрибасизлиги ва қоидаларни билмаслиги сабабли ўзи билан бир йўналишдаги автомашинани нотўғри қувиб ўтган.
Шу вақтда олдиндаги тартибга солинмаган пиёдалар ўтиш жойидан йўлни кесиб ўтаётган пиёда, 1997 йилда туғилган Навоий вилояти ИИБ ЖХХ ЙҲХБ ходими сафдор Дониёр Нуриллоевни уриб юборган. Ҳодиса оқибатида ходим олган оғир тан жароҳатлари сабабли воқеа жойида вафот этган.
Ҳозирда мазкур ҳолат юзасидан Янги Наманган тумани прокуратураси томонидан жиноят иши қўзғатилиб, дастлабки тергов ҳаракатлари олиб борилмоқда.
Тавсия этамиз
Кўп ўқилганлар
- Тошкент вилоятида Абдулла Орипов уй-музейи очилди
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Фарғонада Наврўз: тинч-осойишта ҳаёт завқи, дориламон кунлар шукронаси...
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг