Самарқандда ноёб икки босқичли операция бир вақтда ўтказилди
Тиббиёт соҳасида ривожланишлар натижасида юртимизда мураккаб жарроҳлик амалиётларини ҳам самарали ўтказиш мумкин бўлмоқда. Яқинда Самарқанд вилоят болалар кўп тармоқли тиббиёт маркази шифокорлари жажжи беморда бир вақтнинг ўзида икки мураккаб операция — кўкрак қафаси деформацияси ва юракдаги туғма нуқсонни бартараф этиш амалиётини муваффақиятли бажаришди.
Беморда кўкрак қафаси деформациясининг оғир шакли кузатилиб, у юракни 5 сантиметрдан зиёд босиб турган. Юракдаги туғма нуқсон сабаб биргаликдаги операция жуда хавфли саналган, бироқ амалиётсиз ҳам боланинг аҳволи оғирлашарди.
Беш соат давом этган жарроҳликда кардиожарроҳлар ва торакал хирурглар Ўзбекистон тиббиётида илк бор икки операцияни бирлаштирган ҳолда самарали амалга оширишди. Мутахассислар бу амалиёт болалар кардиожарроҳлигида янги босқич эканини таъкидлашди.
Онани йиллар давом этган хавотирдан озод этган ушбу муваффақиятли операция натижасида жажжи беморнинг аҳволи барқарорлашди.
Абдулазиз ЙЎЛДОШEВ, «Халқ сўзи».
Тавсия этамиз
Кўп ўқилганлар
- Тошкент вилоятида Абдулла Орипов уй-музейи очилди
- «Ўзгидромет» шошилинч огоҳлантириш эълон қилди
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Фарғонада Наврўз: тинч-осойишта ҳаёт завқи, дориламон кунлар шукронаси...
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг