“Барселона”дан навбатдаги ғалаба
Бугун, 22 ноябрь куни Испания Ла Лигасининг 13-тур учрашувлари старт олди. Турнинг марказий баҳсларидан бирида “Барселона” ўз майдонида “Атлетик Бильбао” жамоасини қабул қилди.
Учрашувдаги ҳисоб 4-дақиқадаёқ очилди. Роберт Левандовски мавсумдаги саккизинчи голига муаллифлик қилди.
Биринчи таймга қўшиб берилган дақиқаларда Ферран Торрес фарқни икки поғонага оширди. Шу тариқа илк бўлим “Барселона”нинг 2:0 ҳисобига устунлиги билан якунланди.
Иккинчи бўлим бошида, 48-дақиқада Фермин Лопес мезбонларнинг учинчи голини киритди. Ўйиннинг сўнгги дақиқаларида эса Ферран Торрес ўзининг иккинчи голини уриб, дублини расмийлаштирди. Бу — футболчининг жорий мавсумдаги иккинчи дубли ҳисобланади.
Натижада “каталонияликлар” учрашувни 4:0 ҳисобида йирик ғалаба билан якунлашди. Ушбу натижа орқали Ҳанс Флик шогирдлари вақтинчалик Ла Лига жадвали пешқадамлигига кўтарилди.
Маълумот учун, “Барселона” жамоаси кейинги ўйинини Чемпионлар Лигаси доирасида “Челси”га қарши ўтказади. Учрашув 5 ноябрь куни бўлиб ўтади.
Тавсия этамиз
Кўп ўқилганлар
- Тошкент вилоятида Абдулла Орипов уй-музейи очилди
- «Ўзгидромет» шошилинч огоҳлантириш эълон қилди
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Фарғонада Наврўз: тинч-осойишта ҳаёт завқи, дориламон кунлар шукронаси...
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг