Индонезияда вулқон отилиши туфайли юқори даражадаги огоҳлантириш эълон қилинди
Индонезияда йирик вулқон отилиши туфайли энг юқори даражадаги огоҳлантириш эълон қилинди. Бу ҳақида BILD нашри хабар берди.
Унда айтилишича, Индонезиядаги Семеру вулқони отилиши натижасида кул булути икки километр баландликка кўтарилган ва машҳур Ява сайёҳлик ороли осмонини қоплаб олган. Айни вақтда мамлакатда энг юқори даражадаги огоҳлантириш эълон қилинган.
Мутахассислар тақдим қилган маълумотларга кўра, вулқон отилиши кеча, 19 ноябрь куни бошланган. Оқибатда Семеру вулқони ёнбағирларини иссиқ ва қуюқ кул қоплаган. Юзлаб одамлар эвакуация қилиниб, вақтинчалик бошпаналарга жойлаштирилган.
Маълумот учун, Индонезияда зилзила ва вулқон отилишлари тез-тез учраб туради. 3 минг 676 метр баландликда жойлашган Семеру вулқони мамлакатдаги тахминан 130 та фаол вулқонлардан бири ва Ява оролидаги энг баланд чўққи ҳисобланади. Ушбу вулқон сўнгги марта 2022 йил охирида отилиб, ҳосил бўлган кул тахминан 15 километр баландликкача ёйилган.
Тавсия этамиз
Кўп ўқилганлар
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Фарғонада Наврўз: тинч-осойишта ҳаёт завқи, дориламон кунлар шукронаси...
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
- Шавкат Мирзиёев Саудия Арабистони Подшоҳлиги Валиаҳди Муҳаммад бин Салмон Ол Сауд билан телефон орқали мулоқот қилди
- Марказий Осиёнинг интеллектуал меросини улуғлашда янги босқич Тошкентда бошланмоқда — The Washington Post
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг