Мулоқот мажлиси доирасида ташкил этилган иккинчи сессияда “Марказий Осиёда аёллар тадбиркорлиги – иқтисодий ўсиш ва ижтимоий барқарорлик манбаи” мавзусида қатор масалалар муҳокама қилинди.

Жумладан, аёллар тадбиркорлигини қўллаб-қувватлаш, уларнинг иқтисодий мустақиллиги ва бизнесдаги имкониятларини кенгайтириш, минтақада тадбиркор аёллар ўртасида ҳамкорлик лойиҳаларини ривожлантириш масалалари атрофлича муҳокама қилинди.

​

​

Таъкидланганидек, аёллар тадбиркорлиги нафақат кичик ва ўрта бизнесни ривожлантиради, балки иш ўринлари яратиш, камбағалликни қисқартириш, маҳаллий иқтисодиёт барқарорлигини мустаҳкамлашда ҳам муҳим ўрин тутади.

​

​

Шунингдек, маърузаларда аёллар тадбиркорлигини ривожлантириш учун қонуний ва институционал механизмларни мустаҳкамлаш, молиявий ресурсларга етишишдаги тўсиқларни камайтириш, бизнесни рақамли иқтисодиёт ва экспорт бозорларига интеграция қилиш, минтақавий қўшма стартаплар ва инновацион лойиҳаларни қўллаб-қувватлаш, шунингдек, тадбиркорлик фаолиятини юритишда гендер стереотиплар ва ижтимоий тўсиқларни бартараф этиш масалаларига алоҳида эътибор қаратилди.

​

​

Сессия якунида аёллар тадбиркорлиги учун қўшимча имкониятлар яратиш, ўқув дастурлари, бизнес-коучинг, грантлар, экспорт қўллаб-қувватлови каби амалий чора-тадбирларни кучайтириш бўйича қатор амалий таклифлар ишлаб чиқилди.