АҚШдаги вазият туфайли олтин нархи бирдан кўтарилди
Иллюстратив фото
АҚШдаги вазият ва АҚШ — Хитой савдо қарама-қаршилигининг барқарорлашиши фонида пасайиб бораётган олтин нархи кўтарила бошлади. Кузатишларга қараганда душанба кунидан бери ушбу қимматбаҳо металнинг қиймати 3,5 фоиздан кўпроққа ошган.
«Investing» маълумотларига кўра, унинг нархи бир троя унцияси учун 4150 доллардан ошди ва энг юқори кўрсаткич 4154,82 долларга етди.
«АҚШ президенти Дональд Трамп ва Конгрессдаги мухолифат ёпилиш жараёнини тўхтатиш ва ҳукуматнинг нормал фаолиятини қайта тиклашга келишиб олгани ҳақидаги хабар барча товар бозорлари томонидан катта қизиқиш билан кутиб олинди», — дейди «Freedom Finance Global» компаниясининг етакчи таҳлилчиси Наталья Милчакова. Эксперт, шунингдек, кумуш нархининг ҳам сезиларли даражада ўсишини таъкидлади. Изоҳланишича, олтиннинг юқори нархи туфайли хитойлик заргарлар кумушга ўтишмоқда.
10 ноябрь куни АҚШ Сенати 60-40 овоз билан федерал ҳукуматни қайта молиялаштириш йўлидаги қадамни белгиловчи резолюцияни қабул қилди. Бу эса дарҳол нефть нархининг ҳам кескин кўтарилишига олиб келди.
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- Тошкент вилоятида Абдулла Орипов уй-музейи очилди
- «Ўзгидромет» шошилинч огоҳлантириш эълон қилди
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Фарғонада Наврўз: тинч-осойишта ҳаёт завқи, дориламон кунлар шукронаси...
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг