Андижонда «Nexia-2» тўхтаб турган ЙПХ машинасига урилди
Фото: Андижон ЙҲХБ
Андижон вилоятида «Nexia-2» йўл четида тўхтаб турган йўл-патруль хизмати машинасининг ортидан бориб урилди. Бу ҳақда вилоят Йўл ҳаракати хавфсизлиги бошқармаси хабар берди.
Маълум қилинишича, воқеа бугун, 7 ноябрь куни соат 14:15 да Олтинкўл тумани «Уйшин» МФЙ ҳудудидан ўтган давлат аҳамиятидаги «Д-105» — «Фарғона ҳалқа йўли» автомобиль йўлининг 142 километрида содир бўлган.
Йўл-патруль хизмати инспектори кичик сержант И. Отаматов унга хизматда фойдаланиш учун бириктирилган «Lacetti» русумли патруль автомашинаси йўлнинг ўнг четига тўхтатиб, хизматини пиёда давом эттираётган вақтида «Олтинкўл-Андижон» йўналиши бўйлаб ҳаракатланиб келган «Nexia-2» ҳайдовчиси бошқарувини йўқотиб, хизмат автомашинасига бориб урилган.
Ҳодиса оқибатида ҳеч ким тан жароҳати олмаган, бироқ автомашиналар техник шикастланган.
Қайд этилишича, ҳозирда мазкур ҳолат юзасидан Олтинкўл тумани Прокуратураси томонидан суриштирув ҳаракатлари олиб борилмоқда.
Тавсия этамиз
Кўп ўқилганлар
- Тошкент вилоятида Абдулла Орипов уй-музейи очилди
- «Ўзгидромет» шошилинч огоҳлантириш эълон қилди
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Фарғонада Наврўз: тинч-осойишта ҳаёт завқи, дориламон кунлар шукронаси...
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг