Кўкдалада имтиёзли нархда етказилиши лозим бўлган суюлтирилган газни сотаётган шахслар қўлга тушди
Бош прокуратура ҳузуридаги Департаментнинг Кўкдала тумани бўлими ҳамда ДХХ ходимлари ҳамкорлигида тезкор тадбир ўтказилди, деб хабар бермоқда Иқтисодий жиноятларга қарши курашиш департаменти.
Унда айтилишича, ўтказилган тезкор тадбир давомида «А.Г.С.» МЧЖ раҳбари Д.К. фуқаро М.Х. билан ўзаро тил бириктириб, унга аҳоли ва ижтимоий соҳа муассасаларига имтиёзли нархларда етказиб берилиши лозим бўлган 10 минг 200 кг. суюлтирилган газни 76,5 миллион сўмга сотишга келишиб олади.
Шундан сўнг, қонунбузар фуқаро «Камаз» русумли газ ташувчи юк автомашинасига 10 минг 360 кг. суюлтирилган газни юклаб берган вақтида ушланиб, фуқаро А.Ф.нинг автомашинасидан 35 миллион сўм ва 2 минг АҚШ доллари ашёвий далил сифатида расмийлаштириб олинган.
Ҳозирда мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари бошлаб юборилган.
Тавсия этамиз
Кўп ўқилганлар
- Тошкент вилоятида Абдулла Орипов уй-музейи очилди
- «Ўзгидромет» шошилинч огоҳлантириш эълон қилди
- “Ўтган баҳсда концентрация бироз жойида эмас эди. Шу сабабли “жиннича” хатоларга йўл қўйдик” — Фабио Каннаваро
- АҚШ мудофаа харажатлари туфайли НАТО бўйича иттифоқчиларини ҳимоя қилишдан воз кечиши мумкин
- Фарғонада Наврўз: тинч-осойишта ҳаёт завқи, дориламон кунлар шукронаси...
- Бен Кингсли иштирок этган Ислом цивилизацияси маркази ҳақидаги фильм New York Festivals 2026 финалига йўл олди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг