Keyingi yillarda Prezidentimiz tomonidan amalga oshirilgan beqiyos islohotlar natijasida mamlakatimizda hayratlanarli oʻzgarishlar yuz berdi. Iqtisodiyot sezilarli darajada oʻsdi. Ulkan bunyodkorliklar shaharu qishloqlarimiz koʻrkiga koʻrk qoʻshdi. Eng muhimi, inson qadr topdi.

Oliy Majlis Senati aʼzosi, Oʻzbekistonda xizmat koʻrsatgan jurnalist Abdusaid Koʻchimovning “Yuksalish simfoniyasi” nomli kitobida ana shu tarixiy yangilanishlar oʻziga xos tarzda yoritilgan.

Guliston shahridagi “Yoshlar markazi”da oʻtkazilgan mazkur kitob taqdimotida bu alohida taʼkidlandi.

Tadbirda soʻzga chiqqanlar asarning maʼnaviy-maʼrifiy ahamiyati haqida fikr yuritar ekan, u Prezidentimiz tomonidan ilgari surilgan Yangi Oʻzbekiston gʻoyasi asosida olib borilayotgan ishlarning badiiy-publitsistik ifodasi boʻlganini eʼtirof etdi.

Kitobda Vatanimizning barcha hududlari qamrab olingani, xususan, Sirdaryoda soʻnggi yillarda roʻy bergan yangilanishlar, bunyodkorliklar, aholi turmush sifati yuksalayotgani qalamga olingani qayd qilindi.

Ahmadali SHERNAZAROV
(“Xalq soʻzi”).