Taʼlim sohasida xalqaro hamkorlik
Mamlakatimiz oliy taʼlim muassasalarida taʼlim jarayonlarini xalqaro standartlarga moslashtirish, xorijiy tajribalarni amaliyotga joriy etish va nufuzli universitetlar bilan hamkorlikni yoʻlga qoʻyish boʻyicha izchil ishlar amalga oshirilmoqda.
Hindistonning Uttar-Pradesh shtatida joylashgan Era universiteti bosh direktori Ali Kxan boshchiligidagi delegatsiyaning Andijon davlat tibbiyot institutiga tashrifi doirasida ham oʻzaro hamkorlik kelishuvlari imzolandi.
— Biz ushbu hamkorlik orqali mutaxassis va talabalar almashinuvi, simulyatsion taʼlim va qoʻshma loyihalarni amalga oshirishdan katta samara kutyapmiz, — dedi Ali Kxan. — Zero, bu borada Andijonda katta tajriba toʻplangan. Umid qilamanki, oʻzaro hamkorlik har ikkala davlat oliy taʼlim tizimi uchun manfaatli boʻladi.
Tashrif yakunida ikki oliy taʼlim muassasasi oʻrtasida hamkorlik shartnomasi imzolandi. Unga koʻra, institut professor-oʻqituvchilari va talabalari Hindiston klinikalarida malaka oshirish imkoniyatiga ega boʻladi.
Saminjon HUSANOV
“Xalq soʻzi”.
Tavsiya etamiz
Ko‘p o‘qilganlar
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring