Sherobodda qovun pishdi
Sherobod tumanidagi “Sherobod Agro Impeks” masʼuliyati cheklangan jamiyati tomonidan bu yil 25 gektar yer maydonida qovunning Gollandiyadan olib kelingan mazain va dakara navi ekilib, parvarishlandi. Yuqori agrotexnik tadbirlar natijasida ayni paytda tilimi tilyorar va xaridorgir qovunlar pishib yetildi. Natijasida ertapishar qovunlar xalqimiz dasturxoniga taqdim etilmoqda. Shu bilan birga yetishtirilgan bu tur mahsulotning bir qismi eksportga yoʻnaltiriladi.
Bugun Surxondaryo viloyati hokimining qishloq xoʻjaligi masalalari boʻyicha oʻrinbosari X.Samadov hamda Sherobod tumani hokimi Alisher Amirov qovun yetishtirilgan paykallarda boʻlib, dehqonchilikda oʻzlashtirilayotgan istiqbolli loyiha samaralari bilan tanishishdi. Aytish joizki, kyelgusida tumanda ertapishar quvun yetishtiradigan maydonlarni kengaytirish, nafaqat ichki bozor, balki eksport hajmini oshirish ham koʻzda tutilgan.
Ilhom Rahmatov,
(“Xalq soʻzi“)
Tavsiya etamiz
Ko‘p o‘qilganlar
- Toshkentda “UzFood 2026” va “OʻzuPACK 2026” Xalqaro koʻrgazmalari boʻlib oʻtmoqda (+fotoreportaj)
- Shayxa Nosir Al Novays: “Men bu kabi yondashuvni avval koʻrmaganman”
- Oʻzbekiston Respublikasi davlat mustaqilligining 35 yilligini keng nishonlashga tayyorgarlik koʻrish va uni oʻtkazish toʻgʻrisida
- “Yengilmas: Tokioga yoʻl”
- Toshkentda Amir Temur tavalludining 690-yilligi munosabati bilan harbiy parad oʻtkazilmoqda (fotoreportaj)
- Surxondaryoda 3 ming yillik shahar qoldiqlari topildi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring