Kecha, 16-noyabr kuni Afrika mintaqasida Jahon chempionati saralashining soʻnggi oʻyini boʻlib oʻtdi. Unda Nigeriya va Kongo Demokratik Respublikasi terma jamoalari Jahon chempionati saralashining qitʼalararo pley-offida Afrika nomidan qaysi jamoa ishtirok etishiga oydinlik kiritib oldi.

Uchrashuvning asosiy vaqti durang bilan yakunlandi. Gollarga Nigeriya termasidan Frank Oniyeka, Kongo Demokratik Respublikasi termasidan esa Meshak Elialar mualliflik qildi.

Asosiy vaqt durang bilan yakunlangach, gʻolib nomiga penaltilar seriyasida aniqlik kiritildi. Dastlabki 5 ta zarbadan soʻng tenglik kuzatildi. Har ikki jamoa aʼzolari 2-martadan 11 metrlik zarbadan foydalana olishmadi.

Qoʻshimcha seriyada esa dastlabki zarbalar gʻolib nomiga oydinlik kiritdi. Kongo termasidan Mbemba aniq zarba yoʻllagan boʻlsa, nigeriyalik futbolchi Semi Ajaiyi zarbada adashdi.

Shu tariqa Kongo Demokratik Respublikasi terma jamoasi Jahon chempionati saralashining navbatdagi bosqichiga yoʻl oldi. Nigeriya terma jamoasi esa qator taqqosiga ikkinchi marta Jahon chempionatidan quruq qolmoqda.