Arzonlashtirilgan savdo yarmarkalari ish boshladi
Andijon viloyatida muborak Ramazon oyi munosabati bilan aholiga qulaylik yaratish va oziq-ovqat mahsulotlarining narxi sunʼiy oshib ketishining oldini olish maqsadida arzonlashtirilgan savdo yarmarkalari tashkil etildi.
-Ushbu rastalardagi mahsulotlarning narxini bozor narxi bilan solishtirdim,-deydi Andijon tumani “Qum koʻcha” MFYda istiqomat qiluvchi Odinaxon Ortiqova. -Bu yerda narxlar ancha arzon ekan. Masalan, kartoshkaning bir kilosi viloyat markazidagi dehqon bozorida 7,5 ming soʻmdan sotilayotgan bir paytda arzonlashtirilgan savdo yarmarkasida bu koʻrsatkich 4,5 ming soʻmni tashkil etmoqda. 5 litr pista yogʻini 95 ming soʻmga sotib oldim. Bozorda esa uning narxi 120 ming soʻm ekan. Mana shunday qulay sharoit yaratib berilganidan minnatdorman!
Viloyatning 16 ta hududida ish boshlagan rastalarda 30 turdan ziyod mahsulotlar bozor narxiga nisbatan 15-25 foiz arzon narxda sotilishi yoʻlga qoʻyildi.
Saminjon HUSANOV, ”Xalq soʻzi”.
Tavsiya etamiz
Ko‘p o‘qilganlar
- “E-ekspertiza” platformasi orqali elektron hujjatlar almashinuvini yoʻlga qoʻyish tartibi tasdiqlandi
- Nodavlat sud-eksperti sifatida faoliyat yuritish yanada soddalashtiriladi
- “Istanbul Bashakshehir” mehmondan gʻalaba bilan qaytdi
- Ukrainaning uch viloyatida portlashlar qayd etildi. Qurbonlar bor
- Bu yil Oʻzbekiston Proligasida 14 ta jamoa ishtirok etadi
- Shavkat Mirziyoyev Vashington shahrida Tinchlik kengashining dastlabki yigʻilishida ishtirok etdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring