Arxiv surat

Ayni paytda Prezidentimiz raisligida boʻlib oʻtayotgan videoselektor yigʻilishida hududlarda ipoteka dasturlarini amalga oshirish, koʻp kvartirali uy-joylar massivlarini barpo etish, ularni infratuzilma bilan taʼminlash hamda xizmat koʻrsatish tizimini takomillashtirish boʻyicha amalga oshirilayotgan ishlar muhokama etilmoqda. 

Unda qatnashyotgan “Xalq soʻzi” muxbirining xabar berishicha, joriy yilgi “Obod qishloq” va “Obod mahalla” dasturlari, ijtimoiy va ishlab chiqarish infratuzilmasini rivojlantirish hamda aholini uy-joy bilan taʼminlash doirasida 7 ming 794 ta qishloq va mahallada bajarilishi lozim boʻlgan aniq ishlar belgilanib, bunga 18 trillion soʻm mablagʻ yoʻnaltiriladi.

Bundan tashqari, aholini toza ichimlik suvi bilan taʼminlash, ichki yoʻllarni qurish va taʼmirlash ishlariga yana qoʻshimcha 300 million dollar ajratildi. Natijada birgina ichimlik suvi taʼminoti sohasida 1 ming 400 kilometr tarmoqlar qurildi va rekonstruksiya qilindi, 8,5 ming kilometr ichki yoʻllar taʼmirlandi. Oʻtgan davrda 2 ming kilometr elektr tarmoqlari tortilib, mingta transformatorlar yangilandi.