Ayni vaqtda Prezident rahbarligida chet tillarini oʻqitishni takomillashtirishga bagʻishlangan videoselektor oʻtkazilmoqda.

Unda har bir viloyatda bittadan universitet chet tillari boʻyicha tayanch oliygoh sifatida belgilanishini maʼlum qildi.

“Chet tillarini oʻqitishga urgʻuni boshqacha qoʻyish kerak. Katta korxonalar qurilyapti, texnologiyalar oʻrnatilyapti. Xorijiy tilni mukammal bilish zarurati yuzaga kelyapti. Barcha hududlar rahbarlari, taʼlimga aloqador tashkilotlar oʻzbek tiliga boʻlgan eʼtiborimizni chetda qoldirmay, chet tillarini oʻrgatish boʻyicha jiddiy shugʻullanishi kerak. Maktab, litsey, kollej va oliygoh bitiruvchilari kamida 2 ta chet tilini mukammal bilishlari shart” - deydi Prezident.

Prezident Vazirlar Mahkamasi huzurida Xorijiy tillarni oʻrganishni ommalashtirish agentligi tashkil etilishini maʼlum qildi. Agentlik dunyoda samarali natija bergan oʻqitish metodikalari, dastur va darsliklarini bogʻcha, maktab, litsey, oliygoh va oʻquv markazlarida joriy etib, xorijiy tillarni mukammal oʻzlashtirishga koʻmaklashadi.

Har bir viloyatda bittadan universitet chet tillari boʻyicha tayanch oliygoh sifatida belgilanishi taʼkidlandi.