AQSH rahbari Zelenskiyni muzokaralarni tezlashtirishga undadi
AQSH prezidenti Donald Tramp Ukraina rahbari Vladimir Zelenskiy tinchlik kelishuvi masalasida faol harakat qilmasa, imkoniyatni qoʻldan boy berishini bildirdi. Bu haqda Deutsche Welle xabar qildi.
Oq uyda jurnalistlar bilan muloqot chogʻida Tramp shunday dedi:
“Rossiya kelishuv tuzishni istayapti va Zelenskiy harakatni boshlashi kerak. Aks holda u juda yaxshi imkoniyatni qoʻldan boy beradi. U harakat qilishi shart”.
Shuningdek, respublikachi siyosatchi jurnalistlardan biri tomonidan Myunxen xavfsizlik konferensiyasida jahon yetakchilariga qanday murojaat yoʻllashni istashi haqida berilgan savolga ham javob berdi.
“Yagona xabar shundaki, biz NATO bilan ajoyib munosabatdamiz”, — dedi Tramp.
Avvalroq Rossiya, Ukraina va AQSH delegatsiyalari oʻrtasidagi muzokaralarning navbatdagi bosqichi 17–18-fevral kunlari Jenevada boʻlib oʻtishi maʼlum qilingan edi. Bundan oldin AQSH vositachiligida Abu-Dabida oʻtgan ikki raund muzokara sezilarli natija bermagan.
Tavsiya etamiz
Ko‘p o‘qilganlar
- “Oʻtgan bahsda konsentratsiya biroz joyida emas edi. Shu sababli “jinnicha” xatolarga yoʻl qoʻydik” — Fabio Kannavaro
- AQSH mudofaa xarajatlari tufayli NATO boʻyicha ittifoqchilarini himoya qilishdan voz kechishi mumkin
- Ben Kingsli ishtirok etgan Islom sivilizatsiyasi markazi haqidagi film New York Festivals 2026 finaliga yoʻl oldi
- Shavkat Mirziyoyev Saudiya Arabistoni Podshohligi Valiahdi Muhammad bin Salmon Ol Saud bilan telefon orqali muloqot qildi
- Toshkentda qilichbozlikning sablya yoʻnalishi boʻyicha Jahon kubogi bosqichi start oldi
- “Dronlar dueli” yoxud Ukrainadan Erongacha boʻlgan sinov poligonlarida shakllangan yangi dunyo tartibi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring