Piyodalarni hurmat qiling — poytaxt IIBB haydovchilarni hushyorlikka chaqirdi
Foto: Akmal Muhammadov/“Xalq soʻzi”
Toshkent shahar IIBB poytaxt aholisi va mehmonlarini yoʻl harakati qoidalariga qatʼiy amal qilishga chaqirdi.
Bugun, 22-yanvar kuni Toshkent shahrida qorli ob-havo kuzatilmoqda. Shu munosabat bilan Toshkent shahar Ichki ishlar bosh boshqarmasi yoʻllarda harakat xavfsizligini taʼminlash va mumkin boʻlgan koʻngilsiz hodisalarning oldini olish maqsadida poytaxt aholisi va mehmonlariga murojaat qildi.
Xabarda barcha yoʻl harakati qatnashchilaridan yoʻl harakati qoidalariga qatʼiy rioya etish, transport vositalari oʻrtasida yetarli masofani saqlash, belgilangan tezlik meʼyorlaridan oshmaslik hamda piyodalarga nisbatan hurmatni saqlagan holda ehtiyotkorlik bilan harakatlanish soʻralgan.
Shuningdek, qorli va shamolli ob-havo sharoitini inobatga olib, avtomobillarni koʻp qavatli binolar, turli inshootlar va daraxtlar ostida qoldirmaslik, transport vositalarini maxsus ajratilgan avtoturargohlarda saqlash tavsiya etildi.
Tavsiya etamiz
Ko‘p o‘qilganlar
- Oʻzbekiston Respublikasining xorijdagi diplomatlaridan iborat delegatsiya aʼzolari Islom sivilizatsiyasi markaziga tashrif buyurdi (+fotoreportaj)
- 16-yanvar kuni baʼzi joylarda qor yogʻadi
- Koʻrfaz arab davlatlari bozoriga bojsiz kirish imkoni yaratiladi
- Dunyo boʻylab qon va koʻzyosh bilan oʻtgan bir hafta — 20 ta suratda
- “Analog turmush tarzi”. Insonlarda sunʼiy intellektga qarshi kayfiyat kuchaymoqda
- Oʻzbekiston dunyodagi sayyohlar oqimi eng tez oʻsayotgan yetti mamlakatdan biri — BMT hisoboti
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring