Surxondaryo viloyati Kambagʻallikni qisqartirish va bandlik boshqarmasiga boshligʻi lavozimiga Abdurayimov Bahodir Raxmatullayevich tayinlandi.

Surxondaryo viloyati Kambagʻallikni qisqartirish va bandlik boshqarmasi boshligʻi lavozimiga Abdurayimov Bahodir Raxmatullayevich tayinlandi.

Bahodir Abdurayimov 1982-yilda Boysun tumanida tugʻilgan. 2005-yilda Termiz davlat universitetini tamomlagan boʻlib, maʼlumoti boʻyicha moliya sohasi mutaxassisi hisoblanadi.

Mehnat faoliyati davomida u Surxondaryo viloyati iqtisodiyot bosh boshqarmasida turli masʼul lavozimlarda ishlagan. Shuningdek, Oltinsoy va Denov tumanlarida hokimning birinchi oʻrinbosari sifatida samarali faoliyat yuritib, hududlarni ijtimoiy-iqtisodiy rivojlantirish, aholi bandligini taʼminlash masalalarida katta tajriba orttirgan.

Mazkur tayinlovga qadar, 2025-yildan buyon Denov tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari — Iqtisodiyot va moliya boʻlimi boshligʻi lavozimida ishlab kelayotgan edi.

Maʼlumot uchun, ushbu lavozimda ishlab kelgan Odiljon Yaqubov avvalroq Sariosiyo tumani hokimi etib tayinlangan.